AQŞnıñ Yaqın Könçığışqa "Teodor Ruzvel’t" isemle aviataşuçı häm tağın ber diñgez diviziyase cibärergä qarar birüe citkerelde.

İzrailneñ “i24” televideniyese ber AQŞ räsmi zatına tayandırğan xäbärenä kürä AQŞ öçençe aviataşuçısın häm ikençe diñgez diviziyasen Yaqın Könçığışqa cibäräçäk.

“Yedioth Ahronoth” gazetı beldergänçä bu qararnı AQŞ ilbaşı Donald Tramp noyabr ayındağı saylawlardan soñ İranğa qabat höcüm itü belän yanağannan soñ qabul itte.

“The Hill” gazetı “Teodor Ruzvel’t” aviataşuçısınıñ Yaqın Könçığışqa töbäktäge qorablarnıñ berse urınına baruı turında yazdı.

AQŞ Yaqın Könçığışqa 10 meñ tiräse östämä ğaskäri cibärä

AQŞta dönya kürüçe “Wall Street Journal”ğa mäğlümat birgän Amerika räsmi zatları äytüençä Saqlanu ministrlığı (Pentagon) Yaqın Könçığışqa 9-10 meñgä östämä ğaskäri cibäräçäk.

“Teodor Ruzvel’t” aviataşuçısı 2023 yılnıñ 7 oktyabrendä Yaqın Könçığışqa cibärelgän läkin soñraq AQŞqa qaytıp kitkän ide.

Xäzerge waqıtta AQŞnıñ Yaqın Könçığışta “Djordj Buş” häm “Djordj Vaşington” isemle ike aviataşuçısı häm yaqınça 50 meñ ğäskäriye bar.