Yaponiya urmannarında rizıq citmäw häm awıl cirlekläreneñ buşap qaluı arqasında toraq punktlağra kilüçe ayular sanı şaqtıy artqan.

İldä uzğan yılnı 230dan artıq keşe ayu höcümenä duçar bulğannan häm 13 keşeneñ ğomere özelgännän soñ räsmi zatlär êşkä kereşte.

Xökümät toraq mäxällälärdä awlaw qağidälären yomşattı häm il külämendä urnaştırılğan qapqannardan soñ 14 meñnän artıq ayu üterelde.

Yuq itü säyäsäte höcümnärne tuqtata almadı

İldäge ayu populyaśiyaseneñ yaqınça dürttän ber öleşe beterelügä qaramastan höcüm oçraqları tuqtamadı. Yaña aw sezonı başınnan birle kim digändä 9 töbäktä 35 tän artıq höcüm terkälde häm 6 keşe ğomeren yuğalttı. Toraq punktlarda kürelgän ayular arqasında qayber şähärlärdä distälägän mäktäptä uqu waqıtça tuqtatıldı.

Belgeçlär töbäklärneñ regional yuqqa çığu riskına iğtibar itä

Moxitne saqlaw oyışmaları häm xayvananr dönyası belgeçläre global däräcädä yuqqa çığu qurqınıçı astında bulğan Aziya ayularınıñ tiz arada üterelüe cirle ayularnıñ yuqqa çığuına kiterergä mömkin dip kisätälär.

Belgeçlär Yaponiyadä ayularnıñ tögäl sanı bilgesez buluın häm fänni sanaw mäğlümatları bulmağanda ütkärelgän intensiv räweştä yuq itü populyaśiyağa tözätep bulmıy torğan zıyan kiterergä mömkin buluın assızıqlıy.  

Moxitnı saqlaw ministrlığı wazğıyätne bäyäläw öçen öç yıl däwam itäçäk komplekslı sanawnı başladı.

Klimat krizisı häm taşlandıq awıl cirläre ayularnı şähärlärgä cälep itä

Höcümnär klimat üzgäreşeneñ urman êkosistemasına kitergän zıyanına nigezlängän. Köçle êsselek häm qorılıq ayularnıñ qışqı yoqığa qadär töp azıq çığanağı bulğan imän häm qayın ağaçı orlıqlarınıñ zur yuğaltularına kiterä.

Urmanda citärlek azıq taba almağan xayvannar yäşlär şähärlärgä küçengänlektän taşlandıq baqçalarğa häm ciläk-cimeş ağaçları qaralmağan awıllarğa töşälär.

Xayvannar dönyası belgeçläre ayularnı turıdan-turı üterü urınına toraq punktlar tiräsendä qoymalar quyu, çüplärne cıyu häm möhim waqıtlarda urmannarğa azıq kertü kebek saqlanu çaraları kiräklegen assızıqlıylar.