Rusiyä tışqı êşlär mnistrı Sergey Lavrov äytüençä, Nikolas Maduronı bärep töşerü maqsatı belän qanunsız operaśiya oyıştırıp, İranğa höcüm yanawı belän qurqıtıp, AQŞnıñ üze tözügä yärdäm itkän xalıqara sistemanı cimerüen belderde.

Çärşämbe könne Lavrov AQŞnıñ Maduronı urlaw operaśiyäse turında “Bu xalıqara xoquqnıñ açıqtan - açıq bozu” dip  belderde.

Ul şulay uq Rusiyäneñ berlektäşe Venesuêla belän tözelgän kileşülärgä tuğrı qalaçağın äytte.

Lavrov AQŞnıñ küptännän yaqlap kilgän prinśiplardan baş tartuı anıñ üz imidjına zıyan kiterä dip sanıy.

Ul Mäskäwdä namibiyäle wazıyfadaşı belän ütkärelgän matbuğat oçraşuında:”Amerikalı wazıyfadaşlarıbız şulay êşlägändä, alar ışanıçsız bulıp kürenälär”,-dide.

“Bloomberg”nıñ  AQŞ ilbaşı Donal'd Trampnıñ maxsus wäkile Stiv Uitkoff belän anıñ kiyäwе Djared Kuşnernıñ Rusiyä däwlät başlığı Vladimir Putin belän oçraşu öçen Mäskäwgä  barırğa planlaştıruı turındağı  xäbäre soralğaç,  Lavrov  Putinnıñ Ukrainada tınıçlıq urnaştıruğa qağılışlı citdi söyläşülärgä açıq buluın küp tapqırlar belderüen äytte.

Lavrov şulay uq Vaşingtonnıñ Mäskäwgä Ukraina öçen soñğı tınıçlıq täq’dimnäre turında mäğ’lümat birüe faydalı bulaçaq dip östäde.