Fransiyä ilbaşı Êmmanuêl Makron Ukrainağa Rusiyäneñ asqorma xezmätlärenä kitergän zıyanın kimetü öçen hawa saqlanu sistemaları birü turında kileşügä qul quyuların belderde.
Êmmanuêl Makron üzeneñ “X” sotsial çeltär akkauntında Berläşkän Millätlär Oyışmasınıñ 81nçe Ğomum Şurası qısalarında Ukraina İlbaşı Volodimir Zelenskiy belän "tığız oçraşu" ütkärüen citkerde.
Makron Rusiyäneñ Ukrainanıñ ênergetika asqormasına höcümnäre millionlağan ukrainnı êlektr ênergiyäse häm cılıtu xezmätlärennän mäxrüm itüen bilgeläp ütte häm Fransiyäneñ Ukrainağa qışnı uñışlı ütkärergä yärdäm itäçägen belderde.
Makron, şulay uq, Zelenskiy belän Ukrainanı radar häm hawa saqlanu sistemaları belän täêmin itü turında kileşügä qul quyuların äytte.
Fransiyä liderı, monnan tış, AQŞ ilbaşı Donald Tramp belän Ukrainağa yärdäm mäsäläsen dä tikşerülären häm ênergiya qurqınıçsızlığın täêmin itü öçen Qara diñgezdä tınıçlıq urnaştırırğa çaqıruın belderde.
