Rusiyä däwlät mäğlümat agentlığı “RIA” xäbär itüençä, Azärbaycan mäxkämäse düşämbe könne Frantsiyä watandaşı Martin Rayannı Parij isemennän şımçılıq öçen 10 yılğa törmägä xökem itte.
2023 yılnıñ dekabrendä totqarlanğan Rayan Azärbaycannıñ Törkiyä häm Paqıstan belän xärbi xezmättäşlege turında yaşeren mäğlümat cıyuda ğayeplänä.
Baqı, şulay uq, Rayannıñ frantsuz telendä söyläşüçe Azärbaycan watandaşların Frantsiyä küzläw oyışması belän xezmättäşlek itü öçen cälep itärgä tırışuın äytä.
Rayan ğayepläwlärne öleşçä tanıdı.
Bu ay başında Frantsiyä ilbaşı Êmmanuêl Makron häm Azärbaycan ilbaşı İlham Äliev telefon aşa söyläşte. Ul ikeyaqlı mönäsäbätlärne yañartu häm xezmättäşlek mömkinleklären öyränügä yünältelgän bula.
Oktyabr’ ayında Kopengagenda Makron belän oçraşudan soñ, Äliev ike il arasındağı "êlekkege añlaşılmawçanlıqlar"nıñ xäl itelüen belderde.
