Şahitlarnıñ süzlärenä qarağanda, İzrail armiyäse pänceşämbe könne utnı tuqtatu kileşüen bozıp Ğazzäneñ şaqtıy töbägen utqa totqan.
Şahitlar äytüençä, İzrail xärbi oçqıçları Ğazzäneñ kön’yağındağı Räfaxnıñ könçığışına höcüm itkän, şul uq waqıtta artilleriya utı däwam itkän, köçle şartlawlar häm İzrail xärbi maşinalarınnan atu tawışları işetelgän.
Ğazzä şähäreneñ Zäytun häm Şucaiyye rayonnarında hawa höcümnäre häm artilleriya höcüme terkälgän, töbäktä şartlawlar sizelgän.
Ğazzä üzägendäge Bureyc qaçaqlar lagerınıñ könçığış öleşläre dä artilleriya utına duçar bulğan.
Ülem-kitemnär yäki yaralanuçılar turında älegä mäğ’lümat yuq.
Höcüm yasalğan töbäklär – Ğazzädä äle dä İzrail kontrolendä bulğan cirlär.
Fälästinlelär 2023 nçe yılnıñ oktyabrennän birle kübese xatın -qızlar häm balalar bulğan 71 meñnän atıq keşeneñ ülemenä, 171 meñnän artıq keşeneñ yaralanuına kitergän İzrail höcümnären tuqtaqan utnı tuqtatu kileşüeneñ İzrail tarafınnan qabat-qabat bozıluın belderälär.
Ğazzä xökümäteneñ media ofisı beldergänçä, 10 nçı oktyabr’dä utnı tuqtatu köçenä kergännän birle İzrail höcümnärendä kim digändä 418 fälästinle hälaq bulğan, 1100 dän artıq keşe yaralanğan.
