Françeska Albaneze İzrailneñ saq astında totu üzäklärendäge fälästinle totqınnarğa häm Fälästin xalqına cäfalaw -intekterü qullanuın äytte.

Albanezeneñ belderüläre Nikolas Kristofnıñ “The New York Times” gazetındağı tikşerüennän soñ yasaldı. Tikşerüdä İzrail küzätüe astındağı fälästinle totqınnarğa qarata cäfalaw häm censi köç qullanunıñ sistemalı xälgä kilüe äytelgän ide.

Albaneze BMO Keşe xoquqları şurasınıñ 61 nçe utırışı öçen äzerlägän “Cäfalaw häm genośid” dip atalğan xisapnı urtaqlaştı.

Xisapta äytelgänçä, cäfalaw-intekterü küptännän birle İzrailneñ fälästinlelärne mileksezländerü säyäsäteneñ üzägendä tora.

Xisapta İzrailneñ 2023 yılnıñ oktyabrennän birle kümäk üç alu häm cimergeç niyätne kürsätüçe däräcädä cäfalaw-intekterü qullanuı, monıñ isä koordinaśiyälängän säyäsätne çağıldıruı äytelä.

Xisapta şulay uq milli qurqınıçsızlıq ministrı İtamar Ben-Gvirnıñ totqınnarnı qarañğı kameralarda totarğa häm daimi räweştä İzrail milli gimnın tıñlatırğa boyırıq birüe dä citkerelä.

Françeska Albaneze xisabında cäberläwneñ törmälär belän genä çiklänmäwe dä citkerelde.

Xisapta  fälästinlelärneñ küpläp küçerelüe, qamalış häm gumanitar yärdämgä çikläwlär aşa cäberläwgä duçar buluı äytelde.

Xisapta  İzrail wäqalätleläreneñ  fälästinlelärneñ qarşılıq kürsätü köçen häm abruyın qaqşatuğa yunältelgän moxit tudıruı belderelde. Sistemalı cäberläwneñ Genośd kileşüe qısalarında genośid niyäteneñ dälile bularaq bäyälänä aluı da citkerelde.

11 mayda basılıp çıqqan “The New York Times” tikşerüendä İzrail ğaskärläre häm törmä saqçılarınıñ totqınnarnı köçläwe, balalarnı censi cäberläwe häm fizik cäfalap intekterüläre turındağı ğayepläwlärgä urın birelde.

Netanyaxu pänceşämbe könne Tel-Avivnıñ xisaptağı  ğayepläwlär öçen “The New York Times” gazetın sudqa biräçägen äytte.