Soğud Ğaräbstanınıñ grajdan aviatsiyase ğomum idaräse Dammamdağı Patşa Fahd isemendäge xalıqara aêroportka yasalğan höcüm näticäsendä ber keşeneñ ülüen häm 8 keşeneñ yaralanuın belderde.

İdaräneñ belderüenä kürä aêroport 21nçe oktyabr, çärşämbe kiçen höcümgä duçar bulğan, höcümdä ildä yäşäwçe ber çit il watandaşı ğomeren yuğaltqan.

Yaralanğan 8 keşe şunduq xastaxanägä salınğan.

Belderüdän kürengänçä höcümdä matdi zıyan barlıqqa kilgän, zıyannı bilgeläw êşläre däwam itä.

Höcümneñ niçek häm kem tarafınnan başqarıluı turında mäğlümat birelmäde.

Ğäräp koalitsiyase: Soğud Ğaräbstanınıñ könçığışında 4 dron yuq itelde

Yämän xökümäten yaqlawçı Soğud Ğaräbstanı citäkçelegendäge Ğäräp koalitsiyase ilneñ könçığış töbägendä 4 dronnıñ totqarlanıp, yuqqa çığarıluın belderde.

Yämändä 2014nçe yılnıñ sentyabrendä xusilärneñ başqala Sana häm qayber vilayätlärne kontroltä tota başlawınnan soñ watandaşlar suğışı küzätelä.

Soğud Ğaräbstanı citäkçelegendäge Ğäräp koalitsiyası 2015 nçe yılnıñ martınnan birle xalıqara cämğiät tanığan Yämän xökümäten yaqlıy.