Şimbä kiçen Filippinda 6,2 ball zurlığında tağın ber köçle cirteträw buldı.
Filippinnıñ Vulkanologiya häm seysmologiya institutı (PHIVOLCS) xäbär itkänçä, 6.2 ball köçendäge bu zilzilä Surigao del Surnıñ Kagvait yar buyında, 10 çaqrım tiränlektä bulğan.
Cirteträw Davao şähäre häm yaqın-tirädäge urınnarda da sizelgän, bu isä monnan aldağı cirteträwlärdä şok kiçergän xalıq arasında borçu tudırğan.
Räsmi zatlar ixtimallı afterşoklar häm zıyan külämen bäyäli.
Comğa könne Filippinnıñ könyağında bulğan ike köçle cirteträwdä 66 meñnän artıq ğailä zıyan kürgän, dip xäbär itä cirle räsmi zatlar häm cirle matbuğat.
Davao Oriental gubernatorı Nelson Dayangirang şimbä könne beldergänçä yaqınça 100 yort tulısınça cimerelgän, ä 500 yort öleşçä zıyan kürgän dip xäbär itkän “ABS-CBN”.
İñ küp zıyan kürgän töbäk Davao Orientalda xökümät ğädättän tış xäl iğlan itte.
İlneñ Afät belän idarä itü häm risklarnı kimetü şurası mäğlümatlarına qarağanda öyläre zıyan kürgän yözlägän keşe imin cirlärgä küçerelgän.
Kim digändä sigez keşeneñ ülüe turında xäbär itelä.
Könyaq Mindanaoda 7,4 ball zurlığındağı cirteträwdän berniçä sägät uzuğa 6,7 ball zurlıqtağı ikençe köçle zilzilä barlıqqa kilgän ide.
Şimbä könne 800dän artıq afterşok terkälde, şulay uq Davao Oriental sulıqlarında 5.8 ball zurlığındağı başqa cirteträw bulğan.
