İzrail xökümäte räise Binyamin Netanyaxunıñ êlekke yaqın yärdämçese 2023 yılnıñ oktyabrendä Ğazzädäge 2 yıllıq genotsid suğışın başlağan höcümnän soñ Netanyaxunıñ üze öçen cawaplılıqtan qaçu yulların tabarğa quşuın äytte.

Matbuğatqa yäşeren mäğlümat birüdä ğayeplänep xäzerge waqıtta xökem itelüçe Êli Feldşteyn düşämbe kiçendä İzrailneñ “KAN” xäbär kanalına külämle intervyu birde.

Tänqıytçelär tarixnıñ iñ qanlı höcüme öçen Netanyaxunıñ cawaplılıqnı qabul itmäwen küp tapqırlar alğa sörde. Tik höcüm bulğan könnärdä Netanyaxunıñ üz-üzen totışı turında bik az närsä bilgele. Üze ul bäysez däwlät tikşerüenä daimi räweştä qarşı çığa.  

Feldşteyn bolay dip söyli: “Minnän “Xäbärlärdä närsä söylilär? Äle haman cawaplılıq turında äytälärme? dip soradı. Xökümät räise cawaplılıq alu turındağı media dawılın balanslayaçaq, söyläp bulırday berär närsä tabuımnı teläde”. Ul monı sorağanda Netanyaxunıñ panika êçendä kürenüen dä äyta.

Feldşteyn soñınnan Netanyaxunıñ moxitendäge qayber keşelär tarafınnan barlıq belderülärdä teksttan “cawaplılıq” süzeneñ alınuı kiräklegen üzenä söylänüen citkerde.

Netanyaxunıñ ofisı intervyunı “mänfäğatçe keşe tarafınnan alğa sörelgän yalğan” dip bäyäläde.