AQŞ däwlät särqätibe Marko Rubio Amerika Quşma Ştatları ilbaşı Donald Trampnıñ iyül ayında Änkarada oyıştırılaçaq NATO Däwlät häm xökümät başlıqları sammitında qatnaşaçağın belderde.

Wäkıllär palatasınıñ tışqı mönäsäbätlär komitetında çığış yasağan Rubio, Änkaradağı sammitnıñ ittifaq tarixınıñ iñ möhim cıyılışı bulaçağın citkerde.

Rubio: "Biredä konkretlaştırıluı häm tözätelüe zarur bulğan qayber mäs'älälär bar. Amerika Quşma Ştatları haman da NATO ittifaqınıñ ber äğzası häm bez anda bulaçaqbız," - dide.

Rubio, ittifaqnıñ möhim üzgäreşlärgä ixtiyacı buluın häm bu mäs'älälärneñ 7-8 iyül könnärendä Törkiyä başqalasında uzaçaq sammitta qaralaçağın assızıqladı.

Törkiyä tışqı êşlär ministrı Xaqan Fidan da Trampnıñ NATO sammitında qatnaşırğa planlaştıruın äytkän ide. Ministr Törkiyä ilbaşı Räcäp Tayyip Ärdoğannıñ uzğan aynı Tramp belän berniçä tapqır telefonnan söyläşüen, AQŞ liderınıñ här söyläşüdä sammitta qatnaşu niyäteneñ buluın citkerüen açıqladı.

Xaqan Fidan säyäsi söylämnärgä qaramastan AQŞnıñ ittifaqqa bulğan bäylelegeneñ däwam itüen belderde.

Fidan tübändägeçä citkerde: “AQŞ berlektäşlargä saqlanu çığımnarın arttıruları häm üz iminlekläre öçen tağın da küp cawaplılıq aluları mäs’äläsendä härwaqıt basım yasıy. Awrupalılar NATO qısalarında saqlanu byudjetların arttıru öçen xäzerdän adım yasıy başladı. Liderlar cıyılğaç, ireşelgän alğa kitüne küzdän kiçeräçäkbez.”