“SANA” xäbär agentlığı xäbär itüençä, Dimäşqta saqlanu ministrlığı binası yanında bulğan şartlawda ber Süriyä ğaskäriye hälaq bulğan, berniçäse yaralanğan.

Süriyä saqlanu ministrlığınıñ media häm kommunikatsiyälär bülege sişämbe könne “SANA” agentlığına xäbär itüençä, armiya berlege Dimäşqnıñ Bab Şarki rayonındağı ministrlıq binalarınıñ berse yanında quldan yasalğan şartlatqıç caylanma tapqan.

Çıganaq süzlärenä qarağanda, qurqınıçsızlıq köçläre şunda uq çara kürep, caylanmanı zararsızlandırğan häm yuq itkän. Şul uq rayonda tağın ber maşina şartlağan, näticädä ber ğaskäri hälak bulğan, berniçäse yaralanğan.

Dimäşqtağı aşığıç yardäm xezmätläre citäkçese Näcip äl-Naasan cirle telekanalğa şartlawda ber keşe ülüen häm 12 keşe yaralanuın belderde.

Terrorçılıq höcüme öçen cawaplılıqnı ber törkem dä üz östenä almağan.