Ukraina däwlät başlığı Volodimir Zelenskiy Rusiyä armiyäse başqala Kiyevka yasağan hawa höcümendä balalar baqçaları häm mäktäplär belän bergä törle grajdanlık asqorma obyektlarına yünälüen belderde.

Volodimir Zelenskiy sośial' media akkauntınnan yasağan yazmasında Rusiyäneñ Ukraina başqalası Kiyevka kön buyı oyıştırğan höcümnärenä bäyä birde.

Şähärneñ törle urınnarına höcümnär yasaluın citkergän Zelenskiy tübändägeçä däwam itte: “Bügen Kiyevta ğına da Rusiyä dronnarı ike balalar baqçasına häm ike mäktäpkä, toraq yortlarına, ber benzin stanśiyasenä, küp sanda sklad häm êlemtä qorılmalarına ut açtı.”

Älege höcümnärneñ Ukraina cämğiyätenä qarşı yasaluın äytkän Zelenskiy: “Mondıy maqsatnı saylaw dönyanıñ teläsä qaysı urınında terrorçılıq dip atalar ide,” - dide.

Höcümnärdä distälägän keşeneñ yaralanuın häm ülüçelärneñ buluın citkergän Zelenskiy, Rusiyä armiyase aldağı könnän birle däwam itkän höcümnärendä 277 dron qullanuın assızıqlap: “Zıyan kürgän obyektlar arasında Soğud Ğaräbstanı ilçeseneñ yort bularaq qullanılğan ber bina da bar,” - dide.

Zelenskiy beldergänçä höcümnär arqasında Dnepropetrovsk töbägendä ber sport mäktäbe zıyan kürgän, Sumı töbägendä dä balalar öçen qullanıla torğan ber binağa höcüm bulğan.

Ukraina liderı Rusiyägä basımnı arttıru kiräklegen bilgeläp ütte.