Törkiyä tışqı êşlär ministrlığı İzrailneñ Ğazzädäge genotsid höcümnäre turında belderü yasadı.
Ministrlıq belderüendä mondıy süzlär bar ide:
"İzrailneñ Ğazzädä 30dan artıq tınıç keşene üterüe häm Ğazzä tınıçlıq planın ğamälgä aşıru öçen yol kartası turında kileşügä ireşelgännän soñ, şunda uq sälamätlek saqlaw oyışmalarına höcüm itüe Netanyaxu xökümäteneñ fälästinlelär belän tınıçlıq urnaştıru teläge bulmawın tağın ber tapqır kürsätte.
Netanyaxunıñ berdänber maqsatı - fälästinlelärne üz watannarınnan quıp çığaru häm töbäktä tınıçlıq häm totrıqlılıq urnaştıruğa komaçawlaw. Monıñ öçen ul töbäktäge neçkä balansnı bozaçaq häm aradaşçı illärneñ, berençe çiratta, AQŞnıñ tırışlıqların qaqşataçaq adımnar yasawdan tartınmıy.
Xalqara cämğıyät öçen Netanyaxunıñ böten Yaqın Könçığışnı qaynar noqtağa äwerelderergä omtılğan êkspansionistik häm suğış yaqlı qaraşına qarşı tagın da qatğıyraq, êzlekleräk häm köçleräk pozitsiyä totu bik möhim.
Bez töbägebezneñ häm Fälästinneñ tınıçlığın häm çäçäk atuın xuplawçı barlıq illärne urtaq cawaplılıq xise belän êş itärgä häm xalqara xoquqnı häm gumanitar qıymmätlärne saqlarga çaqırabız."
