İzrailneñ “Jerusalem Post” gazetındağı mäqalädä yäş amerikalılarnıñ İrannnı basıp aluda qatnaşırğa rizalaşsalar, burıçları ğafu itelergä tiyeş dip äytelä.
Avtor AQŞnıñ İranğa qarşı suğışın barı tik hawadan bombalawlar belän genä ciñep bulmayaçağın, ilne basıp alu yäisä anı kontrol'dä totu öçen 1,5 millionğa qadär xärbi mobilizaśiya kiräk bulaçağın alğa sörde.
Burıçlı yäş amerikalılarnı İranğa köräştä cirgä taşlana torğan snaraydlar bularaq qullanu turındağı bu ğacäyep täqdim “Jerusalem Post” mäqaläsendä otstavkadağı Kanada Qorallı Köçläre ofiśerı AJ Jaff tarafınnan täqdim itelde.
Jaff äytüençä, berniçä ay däwam itkän köçle AQŞ höcümnäre İrannıñ xärbi mömkinleklären qaqşatmadı häm suğışnı tuqtatmadı, ä cir östennän basıp alu öçen xäzerge köçlärgä qarağanda şaqtıy küp amerikan xärbiye kiräk bulaçaq.
“İrannıñ 31 provinśiya komandalığına häm “Mozaik saqlanu doktrinası”na qarşı uñışlı cir öste operaśiyäse öçen isäpläwlär 750 meñnän 1,5 millionğa qadär Amerika ğaskäriyenä ixtıyac buluın kürsätä. Xäzerge waqıtta AQŞnıñ aktiv armiyäse yaqınça 452 meñ keşe. Bu sannar älbättä turı kilmi”, — dip yaza avtor.
Jaff AQŞ tarixınıñ ğadäti suğış waqıtındağı mäcbüri xärbi xezmätkä alu urınına burıçlarnı ğafu itü programması aşa xärbilärne täêmin itüneñ mömkin bulğan yulın kürsätüen alğa sörä.
“18–34 yäşlek urtaça amerikalınıñ ipotekadan tış 40 meñ dollarдан artıq burıçı bar. Bu sanğa student kreditları, kredit kartası burıçları, avtomobil kreditları häm şäxsi kreditlar kerä; qayber isäpläwlärdä burıçnıñ 100 meñ dollarğa qädär citüe äytelä” di avtor häm bolay dip östi “Menä bu Pentagonğa kiräk bulğan buın”.
“Federal däräcädä idarä itelgän, 24 yäisä 36 aylıq xezmät stajın tämamlağannan soñ student kreditların, kredit kartası burıçların häm başqa kredit balansların tulısınça beterä torğan, şulay uq GI Bill' programmasın ozayta torğan burıçnı kiçerü programması irekle räweştä xärbi xezmätkä alınunı masştablı räweştä mömkin qılaçaq ”dip raslıy mäqalä avtorı.
Amerikalılarnıñ yaqınça 77%ınıñ nindider burıçı bar. Bu törle finans burıçları bulğan yaqınça 250–260 million keşegä tiñ häm AQŞ ğailäläreneñ ğomumi burıçınıñ tarixtağı iñ yuğarı däräcälärneñ berse bulğan 18,8 trillion dollarğa citkerügä öleş kertä. AQŞta ölkännärneñ urtaça burıçı 63 500 dollar täşkil itä.
