Törkiyäneñ Afät häm ğadättän tış xällär idaräse (AFAD) mäğlümatları buyınça, Misırnıñ tönyaq-könçığışındağı İsmailiya töbägendä 5,3 ball zurlığında cir teträw bulğan.

AFAD xäbär itüençä, cir teträw düşämbe könne cirle waqıt belän 03:00 säğattä 5,47 kilometr tiränlektä terkälgän.

Misır cirle matbuğat çaraları xäbär itüençä, zilzilä başqala Qahiräne dä kertep, berniçä şähärdä sizelgän, läkin älegä qadär qorbannar yäki zıyan kürüçelär turında xäbär itelmägän.

Misırnıñ Qızılay cämğıyäte äleğä qadär zıyan kürüçelär turında xäbärlär almawın citkerde häm xalıqnı iske binalardan häm kürenerlek yarıqlar bulğan qorılmalardan yıraq torırğa çağırdı.

Misır sälamätlek saqlaw ministrlığı ğadättän tış xällärgä cawap birü planın ğamälgä kertte häm xastaxanälärne iñ yuğarı äzerlek däräcäsenä quydı.

Töbäktäğe Android qullanuçıları Misırda 5,9 ball zurlığında cir teträw turında xäbär aldı.