Berläşkän Millätlär Oyışması (BMO) ğomum särqatibe Antonio Guterriş Ormuz buğazında yözü iregen garantiyäläw häm İrannıñ atom-töş mäsäläsen tınıç yul belän xäl itü turında kileşügä ireşü mömkinlege barlığın belderde.

Misır Tışqı êşlär ministrlığınıñ yazma belderüenä qarağanda, ilbaşı Äbdelfättax äs-Sisi ilgä säfär qılğan Guterriş belän oçraştı.

Oçraşuda Ormuz buğazı, Yaqın Könçığıştagı waqıyğalar häm Fälästin mäsäläse qaraldı. Guterriş Misırnıñ Farsı qultığı töbägendä kiyerenkelekneñ artuın buldırmaw öçen tırışlıqların yuğarı bäyäläwen belderde. BMO ğomum särqatibe, şulay uq, töbäktä kiyerenkelekneñ artuın yäki yaña konflikt siklına kerüne buldırmas öçen barlıq kiräkle tırışlıqlarnı quyarğa häm çaralarnı kürergä äzer buluın assızıqladı.