Törkiyä ilbaşı urınbasarı Cäwdät Yılmaz räsmi säfär belän bügen Qırğızstanğa bara.

 Yılmaz säfäreneñ berençe könendä Ata-Beyit milli tarix häm yäd’kärlek kompleksında urnaşqan Ürkün häykälen häm qırğız yazuçısı Çıñğız Aytmatovnıñ qäberen barıp küräçäk.

Cäwdät Yılmaznı Qırğızstan ilbaşı Sadır Caparov qabul itäçäk.

Ul Qırğızstan – Törkiyä Manas universitetınıñ 30 yıllığına bağışlanğan konśertta qatnaşaçaq häm Qırğızstannıñ başqalası Bişkäktä törek êş dön’yası wäkilläre belän oçraşaçaq.

İlbaşı urınbasarı Cäwdät Yılmaz säfäreneñ ikençe könendä (18 nçe sentyabr’dä) Bişkäktä Qırğızstan Ministrlar şurası räise Adılbäk Qasımaliyev belän oçraşaçaq, Törkiyä–Qırğızstan qatnaş iq’tisadi komissiyäseneñ 12 nçe cıyılışında häm komissiya protokolına qul quyu tantanasında qatnaşaçaq.  

Şul uq könne Yılmaz Törkiyä–Qırğızstan Êş forumında qatnaşaçaq, Qırğızstan–Törkiyä Manas universitetında bulaçaq, Törki däwlätlär oyışmasına äğ’za däwlätlärneñ xökümät başlıqları/ilbaşı urınbasarları cıyılışında häm şul qısada Qırğızstan ilbaşı Caparov belän ütkäreläçäk urtaq cıyılışta qatnaşaçaq.