Bel'giyä başqalası Bryussel’ şähär üzägeneñ qayber rayonnarında cämäğat urınnarında alkogol' qullanunı tıyu 4 yılğa ozaytılğan.

İlneñ räsmi xäbär agentlığı “Belga” mäğlümatına qarağanda, Bryussel' şähär şurası êlegräk här yıl yañartılğan tıyu xäzer 4 yılğa ğamäldä bulaçaq dip qarar qılğan.

Tıyu Bryussel'neñ cäyäwlelär zonasına, şulay uq şähär üzägendäge qayber uram häm mäydannarğa qağıla.

Täwlek äylänäsendä ğamäldä bulğan tıyu restoran häm barlarnıñ terrasalarına, şulay uq munisipalitet röxsäte belän ütkärelä torğan yäki munisipalitet oyıştırğan säwdä, küñel açu häm sport çaralarına qağılmayaçaq.

Tıyunı bozuçılar 500 yevroğa qadär administrativ ştrafqa tartılırğa mömkin.