“Xamas” İzraildäge yaqınça 2 meñ fälästinle totqın öçen 20 İzrail äsiren irekkä cibäräçäk.
AQŞ ilbaşı Donald Trampnıñ 20 maddälek tınıçlıq urnaştıru planına kürä ülgän härber izrailleneñ mäyete öçen İzrail 15 fälästinleneñ mäyeten tapşıraçaq.
İzrail häm “Xamas” Ğazzädäge genoŝidnı beterüne maqsat itüçe utnı tuqtatunıñ berençe êtabı östendä kileşte.
İzrail başqarğan genoŝidta 10 meñlägän keşe ülde, Fälästin cirläre yuqqa çığarıldı häm zur gumanitar krizis barlıqqa kilde.
Pänceşämbe könne imzalanğan kileşü êçendä izraille äsirlärneñ häm fälästinle totqınnarnıñ irekkä çığarıluı, şulay uq ike yıldan artıq qamalış astında bulğan Ğazzägä yärdäm kerüne tizlätü bar.
Fälästinle qarşılıq kürsätü oyışması “Xamas” barlıq äsirlärne irekkä cibärgändä İzrail dä ğaskärilären kileşengän liniyağa çigäçäk. AQŞ ilbaşı Tramp Misırdağı söyläşülärdän soñ 20 maddälek tınıçlıq urnaştıru planı östendä kileşüneñ täêmin itelüen citkerde.
“Xamas” kileşüneñ berençe êtabı qısalarında 20 isän äsirne yaqınça 2 meñ fälästinle totqınğa almaştıraçaq.
“AFP”ğa intervyu birgän ber “Xamas” räsmi zatı beldergänçä älege almaşu kileşü ğamälgä kergännän soñ 72 sägät êçendä çınğa aşırılacaq.
Älege çığanaqqa kürä 250ese ğomer buyı törmägä utırtılğan fälästinlelär häm genoŝid başlanğannan birle İzrail tarafınnan urlanğan balalar häm xatın-qızlarnı da kertep 1700 totqın öçen izraille äsirlärne irekkä cibäräçäklär.
Tramp planına qarağanda härber izrailleneñ mäyete öçen İzrail 15 fälästinleneñ mäyeten tapşıraçaq.
“Xamas” Telegram-kanalda belderü yasap, utnı tuqtatu kileşüe kriteriylarına yaraqlı bularaq İzrailgä “Fälästinle totqınnar isemlege”n täqdim itüelären açıqladı.
Oyışma Tramp häm garant däwlätlärne İzrailneñ utnı tuqtatu kileşüen tulısınça ütäwen täêmin itärgä çaqırdı.
“Xamas” tapşırğan isemlektä monnan aldağı utnı tuqtatularda irekkä cibärelüe mömkin bulmağan totqınnarnıñ iseme urın ala.
“Xamas” Qatar, Misır häm Törkiyä belän ber rättän AQŞnıñ Ğazzädäge İzrail genoŝidın beterügä qarağan tırışlıqların maqtadı.
“Xalqıbıznıñ fidaqarlıqları buşqa kitmäyäçäk häm bäysezlek, üz yazmışın bilgeläw xoquqı täêmin itelgängä qadär xalqıbıznıñ milli xaqlarınan waz kiçmäyäçägebezne citkeräbez,” – dide oyışma.
