2025 yılnıñ 18 oktäbrendä kileşü ğamälgä kergännän birle 418 fälästinle üterelde, 1171 keşe yaralandı.

İsrail armiyäse yäkşämbe könne öç fälästinlene üterde häm Gazzä töbäklärenä ber-ber artlı hawadan höcümnär oyıştırdı.

“Anadolu” agentlığına belderü yasağan ber sälamätlek saqlaw çığanağına kürä Ğazzäneñ könyäğında, Räfax şähäreneñ tönyaq-könbatışında kileşü nigezendä armiya çigengän urında İzrail dronınıñ ut açuı näticäsendä ber Fälästin keşese ülde.

Başqa ber sälamätlek saqlaw çığanağı isä İzrail armiyäse ber balıqçını ütergän dip belderde.

Cirle çığanaqlarğa qarağanda yäkşämbe könne irtänge säğatlärdä İzrail diñgez köçläre Gazzäneñ könyäğında urnaşqan Xan Yunıs häm Räfax yar buyılarında ut açtı.

Ber mediŝina çığanağı Räfaxnıñ tönyaq-könbatış çitlärendä İzrail köçläreneñ başqa ber fälästinleneñ başına atuın häm anıñ xäleneñ kritik buluın citkerde.

Cirle çığanaqlar äytüençä fälästinle yaralanğan töbäk - utnı tuqtatu kileşüe nigezendä İzrail armiyäse çigengän urınnarnıñ berse.

“Anadolu” agentlığına intervyu birgän ber sälamätlek saqlaw xezmätkäre armiya kileşü buyınça çigengän Xan Yunıs şähäreneñ könyäğındağı Jura äl-Lut töbägendä 15 yäşlek balanıñ İzrail utında ülüen xäbär itte.

Sälamätlek saqlaw xezmätkärläre häm şahitlar “Anadolu” agentlığına Ğazzä üzägendä urnaşqan Däyr äl-Balah sulıqlarında İzrail diñgez flotınıñ ut açuınnan soñ tağın ber fälästinleneñ yaralanuın belderde.

İzrail xärbi oçqıçları şulay uq Räfaxnıñ tönyağı häm könbatışındağı törle urınnarğa ber-ber artlı hawadan höcümnär oyıştırdı.

Şul arada İzrail armiyäse kileşü nigezendä kontrolendä qalğan töbäklärgä artilleriya utı belän höcüm itte häm Xan Yunısnıñ könçığışındağı toraqlarnı cimerde.

Ğazzäneñ sälamätlek saqlaw ministrlığı mäğlümatlarına kürä utnı tuqtatu kileşüe tözelgännän birle İzrail armiyase anı ütämiçä 420 fälästinlene üterde, 1184 keşe yaraladı.