Binyamin Netanyaxunıñ ofisı çärşämbe könne İzrailneñ AQŞ İlbaşı Donald Trampnıñ İranğa qarşı xärbi höcümnärne ike atnağa tuqtatıp toru qararın xuplawın belderde.
“X” sotsial' media platformasındağı belderüdä bolay diyelä: "İzrail ilbaşı Trampnıñ İranğa qarşı höcümnärne ike atnağa tuqtatu turındağı qararın, ägär Tähran kiçekmästän buğaznı açsa häm AQŞqa, İzrailgä häm töbäk illärenä qarşı barlıq höcümnärne tuqtatsa, xuplıy".
Tramp sişämbe könne İranğa qarşı höcümnärne "ike atnağa tuqtatıp torırğa" rizalaşuın citkerde.
Utnı tuqtatunı täêmin itüdä möhim rol' uynağan Paqıstan xökümäte räise Şaxbaz Şärif “X” sotsial media platformasında comğa könne İslamabadqa İran häm AQŞ delegatsiyälären çaqıruın häm Vaşington belän Tährannıñ, berlektäşläre belän bergä, barlıq bäreleş mäydannarında, şul isäptän, Livanda da tiz arada utnı tuqtatu turında kileşülären citkergän ide.
Şulay da, Netanyaxu ofisı ike atnalıq utnı tuqtatunıñ "Livannı üz êçenä almawın" belderde.
