Kolumbiya däwlät başlığı Gustavo Petro, AQŞnıñ maxsus wäkile Mayk Waltznıñ BMO İminlek şurasında yasağan çığışında Boqotanı daimi tınıçlıq täêmin itüdäge alğarışqa qomaçawlaw belän ğayeplägännän soñ, AQŞqa ileneñ êçke êşlärenä tıqşınmaw turında kisätte.
Petro comğa könne X platformasında:
“İminlek şurası bezneñ tınıçlıq säyäsäten kontrol’ itmäs — bu bezneñ suverenlıq xoquqıbız”,- dip yazdı.
Ul İminlek şurasınıñ Kolumbiyanıñ ber yaqlı beldergese belän barı tik Kolumbiya inqıylabçı qorallı köçläre (FARC) belän tınıçlıq prośessın küzätü öçen wazıyfalandırıluın häm bolarnı cirenä citkerülären äytte.
Kolumbiyadağı BMO küzätü missiyäse — 2016 yılda İminlek şurası tarafınnan Axırğı tınıçlıq kileşüen ğämälgä aşırunı küzätü, Kolumbiyağa bäreleşlärne tuqtatu häm tınıçlıq tözü wäğ’däsenä yärdäm itü öçen qorılğan maxsus säyäsi missiya.
Säyäsi häm ğadi cinayä’tlärdä kisken artış
Kön’yaq Amerika däwlätendä soñğı aylarda Kolumbiya inqıylabçı qorallı köçläre häm Milli azatlıq armiyäse oppoziśionerlarınıñ qul astında bulğan säyäsi häm ğadi cinayät’lärdä kisken artu küzätelde.
Waltz comğa könne şuraga:
“İlbaşı Petronıñ iminlek häm tınıçlıq säyäsätläre Kolumbiyada da, dön’ya külämendä dä açıq räweştä cawapsız”,- dip belderde.
Petro bolay dide:
“AQŞnıñ narkotiklar häm keşelär säwdäse mäs’äläsendäge yalğış poziśiyäse häm xäzer isä FARC belän tınıçlıq prośessı aşa Ğazzädäge genośid turındağı poziśiyäbezne üzgärtü omtılışı — xökümätebez öçen qabul itelerlek tügel.”
“Ğazzädä genośid başqaruçı keşelär Nürnbergta naśist genośidçılar xökem itelgän kebek xökemgä tartılırğa tiyeş”,- dip östäde ul.
