Süriyä xäbär agentlığı SANA çärşämbe könne Süriyä armiyäseneñ “SDF” iseme astında êşçänlek alıp baruçı PKK/YPG terrorçı oyışmalarınıñ Xälebtäge Şäyx Maqsud häm Äşräfiyä mäxällälärendäge xärbi pozitsiyäläreneñ, törkemneñ äytelgän şähärdä kierenkelekne arttıruı häm “küpläp üterüläre” näticäsendä, “qanunlı maqsatlar”ğa äwerelüen belderde.

Älege belderü “SDF”neñ çärşämbe irtäsendä, ikençe kön rättän, Xälebtäge toraq cirleklärenä yünältelgän bombalawların yañadan başlawınnan soñ yasaldı.

SANA êlegräk, soñğı höcümneñ tönyak Xälebtäge Äl-Suryan mäxälläsen maqsat itüen häm Süriyä armiyäse berämlekläreneñ Kastello belän Äl-Şäyxan frontlarında terrorçı oyışma belän bäreleşüen xäbär itkän ide.

Bu bombalaw sişämbe könne “SDF” terrorçılarınıñ Xälebtä ber-ber artlı oyıştırğan höcümnärendä, kim digändä, biş keşeneñ üleme häm 16 keşeneñ yaralanuınnan soñ buldı.

Armiyä operatsiyälär dairsäse, ike mäxälläneñ cirle waqıt belän säğat 15:00tän soñ yabıq xärbi zona bularaq qabul iteläçägen, tınıç xalıqnı “SDF” pozitsiyälärennän yıraq torırğa çaqıruın häm kürsätelgän waqıttan başlap ike töbäktä xäräkätneñ tulayım tıyıluın citkerde.