Putin Rusiyäneñ Amerika Quşma Ştatları yäisä başka ber ilneñ basımına berqayçan da buysınmayaçağın belderde häm Rusiya cirlärenä yünältelgän höcümnärgä bireläçäk cawapnıñ bik citdi bulaçağı turında kisätte.

Putin AQŞ sankśiyälären duşlarca tügel dip bäyäläp:

 “Alarnıñ bilgele näticäläre bulır, läkin alar bezneñ iq’tisadıbızğa möhim däräcädä täêsir itmäyäçäk”,- dide.

Putin Rusiyäneñ ênergetika tarmağınıñ üzenä ışanuın belderep bolay dide:“Bu, älbättä, Rusiyägä basım yasaw omtılışı. Ämma üz- üzen xörmät itkän ber genä däwlät häm xalıq ta basım astında  bernindi qarar qabul itä almıy”.

AQŞ çärşämbe könne “Rosneft” häm “Lukoil” kebek Rusiyäneñ iñ zur ike neft’ citeşterüçe şirkätenä sankśiyälär kertte.

Bu - AQŞ ilbaşı Donal'd Tramp wazıyfasına kereşkännän birle Rusiyägä qarata berençe sankśiyälär.

“Dialog härwaqıt qarşılıq yäisä nizağlardan, bigräk tä suğıştan yaxşıraq. Bez härwaqıt dialognı däwam itüne yaqladıq. Läkin, ägär Rusiyägä Ukraina taläp itkän AQŞnıñ “Tomagavk” raketaları belän höcüm yasala ikän, cawap bik köçle bulaçaq”,- dip äytte Putin.