Cirle mäğlümat çaralarına kürä İzrail armiyase yakşämbe könne Ğazzäneñ könyağındağı Räfahka hawadan höcümnär oyıştırdı.

İzrailneñ “KAN” kanalı bu höcümnärneñ “Xamas” belän barlıqqa kilgän bäreleştän soñ başqarıluın belderde.

Şulay uq “Channel 12” bu höcümneñ “Xamas”nıñ xärbi transport çarasına höcüm itüennän soñ başqarılğanın xäbär itte.

İzrailneñ bu süzlärenä qarşı “Xamas” älegä açıqlaw yasamadı.

Uzğan atnada İzrail belän “Xamas” arasında AQŞ liderı Donald Tramp täqdim itkän êtaplı plan nigezendä utnı tuqtatu häm totqınnar belän almaşu kileşüe tözelde.

Berençe êtapta İzrail äsirlären fälästinle totqınnarğa almaşu bar ide.

Planda şulay uq Ğazzäne yañadan tözekländerü häm “Xamas” qatnaşmawında yaña citäkçelek mexanizmın buldıru qarala.

2023 yılnıñ oktäbrennän birle İzrail suğışında 68 meñ 100dän artıq keşe hälaq buldı, 170 mñ 200 keşe yaralandı dip xäbär itä Ğazzä sälämätlek saqlaw ministrlığı.