AQŞ ilbaşı Donald Tramp Venesuêla däwlät başlığı Nikolas Maduronıñ xakimiyättän çitläşüen "aqıllı" adım bulaçaq dip belderde.

Tramp Amerika Quşma Ştatlarınıñ axırğı atnalarda qulğa töşerelgän Venesuêla neften tota yäisä sata aluın, xätta monı AQŞ strategik rezervların tuldıru öçen qullana aluın söyläde.

Tramptan “Kampaniyäneñ maqsatı Maduronı wazıyfasınnan çitläşterüme?” dip soraganda, ul jurnalistlarga bolay dip cawap birde: "Minemçä, şulayraq … Närsä êşläyäçäge aña bäyle. Minemçä, anıñ öçen bu aqıllı adım bulır ide. Läkin kabatlap äytäm, alğa taba küräçäkbez."

"Ägär berär närsä êşlärgä teläsä, qatı uynarğa uylasa, bu anıñ axırğı tapqır qatı uynawı bulır," dip östäde ul.

Tramp Maduronı "AQŞnıñ dustı tügel" dip bäyäläde häm anıñ xökümäten narkotiklar säwdäsendä qatnaşuda ğayepläde, ä Karakas bu süzlärne küp tapqırlar kire qaqtı.

Vaşingtonnıñ basım kampaniyäse töbäktä AQŞ xärbi köçen arttıru häm Venesuêlağa yaqın Karib diñgeze belän Tın okeanda narkotiklar belän bäyle buluı farazlanuçı korablarga 24tän artıq höcüm yasawnı üz êçenä ala.

AQŞ wäqalätlelärenä kürä, älege operatsiyälärdä, kim digändä, 100 keşe ülde.

Tramp, monnan tış, Venesuêlağa kilüçe yäki annan çığuçı sanksiya astındağı neft tankerlarına qarata "qamalış" iglan itte.

AQŞ yar buyı iminlege xezmäte yakşämbe könne ilgä yaqın xalıqara sularda tağın ber tankernı êzärlekli başladı. Ägär ul qulğa alu belän tögällänsä, bu - ike atna êçendä öçençe şundıy operatsiyä bulaçaq.

Maduro cawap qaytardı

Düşämbe könne yasağan belderüendä Maduro Trampnıñ, Venesuêlağa yanaw urınına, AQŞnıñ êçke mäs'älälärenä iğtibar itüeneñ faydalı bulaçağın äytte.

"İlbaşı Tramp üz ilendä bulsa, yaxşıraq bulır," dip belderde Maduro däwlät telekanalı aşa tapşırılğan çığışında.

"Ul iqtısadi häm sotsial mäs'älälärne üz ilendä çişsä, yaxşıraq bulır häm ägär ul üz ileneñ êşlärenä iğtibar itsä, dönya öçen dä yaxşıraq bulaçaq," dip östäde Venesuêla liderı.