Kolumbiya ilbaşı Gustavo Petro AQŞnıñ ilenä narkotiklarğa qarşı köräş sıltawı belän yanawın belderde.

Petro pänceşämbe könne AQŞ ilbaşı Donald Trampnıñ Kolumbiyägä yünältelgän belderülärenä cawap bularaq, narkotiklarğa qarşı köräşmäwe turındağı ğayepläwlärgä qarşı ilen yaqladı.

Ilbaşı kolumbiyälelärneñ, yıllar buyı narkotiklar suğışında totaş yuğaltularğa duçar buluına qaramastan, ilne qurqıtu däwam itelüen belderde.

Petro xärbi ofitserlarğa möräcäğät itep bolay dide: "Baş komandirnıñ boyırığın tıñlağız: bez suverenlığıbıznı ğomerebez bärabärenä yaqlıybız. Kolumbiyanı qurqıta almaslar. Bu qurqıtularnı çınğa aşıruçılar Kolumbiya xalqı êçendäge yoqığa talğan yaguarnı uyatır."

Petro narkotiklarğa qarşı köräş sıltawı belän Karib diñgezendä ütkärelgän AQŞ operasiyälären tanqıytläp: "Bu bezne kimsetä häm xalqıbız bu xäldän qıyınlıq kiçerä",-dide.

Petro monnan alda Trampnı xökümätneñ narkotik citeşterüçe laboratoriyalarnı yuqqa çığaru êşlären üz küzläre belän kürergä çaqırdı häm wäqalätlelärneñ 40 minut êçendä ber laboratoriyanı yuq itüen äytte.

Soñğı aylarda AQŞ Latın Amerikasında xärbi operasyaların kiñäytte. Töbäkkä xärbi-diñgez berlekläre, xärbi korablar, suğış oçqıçları, su astı korabları häm dronnar cibärelde. Alar maqsatlarınıñ narkotrafik belän köräşü buluın, "narko-terrorçı" oyışmalar häm alarnıñ korabların nişanğa aluların söyli.