Awrupa komissiyäse başlığı Ursula fon der Leyen 28 fevral’dä AQŞ häm İzrailneñ İranğa qarşı suğışı başlanğannan birle Awrupanıñ neft’ häm gaz importı öçen 32 milliard dollarğa kübräk tülärgä mäcbür buluın äytte.
Düşämbe könne Berlin şähärendä uzdırılğan matbuğat oçraşuında çığış yasağan Ursula fon der Leyen Awrupanıñ soñğı 4 yıl êçendä ikençe citdi ênergetika krizisın kiçerüen häm Awrupa Berlege äğ’za däwlätläreneñ monnan sabaq alırğa tiyeşlegen äytte.
Ul bolay dide: “2022 yılda Rusiya däwlät başlığı Vladimir Putin bezneñ gaz täêminatın tuqtattı, xäzer çirat Ormuz buğazında. İmportlanğan fosil’ yağulıqlarğa nıq bäyle buluıbız bezne köçsez qıla. Bez bu bäylelekne kimetergä tiyeş”.
Fon der Leyen Awrupa illäreneñ ışanıçlı ênergiya täêmin itü öçen yañartıla torğan ênergiya citeşterüne arttırırğa häm keçkenä modul’le reaktorlarnı kertep atom – töş innovaśiyälären öyränergä tiyeşlegen äytte.
Ul şulay uq bolay dip östäde: “Monda citeşterelgän här kilovatt-säğat’ ênergiya iq’tisadi totrıqlılıqqa, arzan ênergiyägä häm şulay itep Awrupanıñ bäysezlegenä öleş kertä”.
İranga qarşı sankśiyälärne yomşartu turında açıqtan -açıq beldergän Ursula fon der Leyen: “Bez sankśiyälärne beterü öçen älegä bik irtä dip uylıybız. Alarnı beterer aldınnan İranda tirän üzgäreşlär kürergä kiräk”,- dide.
