AQŞ ilbaşı Donal’d Tramp Tährannıñ xärbi xäräkättän qaçu öçen kileşü tözergä teläwen häm İran tiräsendäge AQŞ armadasınıñ Venesuêla liderın urlap alu öçen cibärelgän armadadan zurraq buluın äytte.

AQŞ ilbaşı comğa könne Oval ofisında jurnalistlarğa: “Bezneñ zur armadabız, flotiliyäbez bar — niçek atarğa telisez, xäzer ul İranğa taba bara, Venesuêladağıdan da zurraq”, — dide.

“Kileşü tözerbez dip ömetlänäm. Ägär kileşügä ireşsäk - bu yaxşı bulır. Kileşü tözelmäsä, närsä bulaçağın kürerbez”,-dide ul.

İranğa atom -töş  programması, ballistik raketalar häm başqa mäs’älälär buyınça kileşü öçen waqıt bireldeme digän sorawğa Tramp “Äye, birdem” dip cawap birde, ämma anıñ närsä ikänen äytmiçä “Monı barı tik alar ğına tögäl belä” dip östäde.

Tramp Tährannıñ protestçılarnı üterülärne tuqtatu qararın İrannıñ xezmättäşlek itärgä äzer buluın raslawçı dälil bularaq kürsätte.  

“Min şunı äytä alam. Alar kileşü tözergä telilär”, — dide Tramp.

Tramp, ägär İran kileşügä ireşmäsä, AQŞ köçläreneñ Venesuêla däwlät başlığı Nikolas Maduro­nı urlaw kebek dramatik operaśiyäne qabatlarğa niyäte barmı-yuqmı digän sorawğa cawap birmäde. “Xärbi êşlärem turında söyläşergä telämim” dide ul.