Törkiyäneñ iñ zur texnologiya çarası “TEXNOFEST” çärşämbe könne İstanbulda üz işeklären açtı.
Biş könlek bu çara İstanbul Atatörek aêroportında uza häm “Törkiyä texnologiya komandası” (T3)waqıfı belän sänäğät häm texnologiya ministrlığı tarafınnan oyıştırıla.
“TEXNOFEST” 2018 yıldan birle küp sanda däwlät oyışmaları, xosusıy tarmaq partnerları häm universitetlar yärdäme belän ütkärelä.
Yıl sayın yañartılğan yarış kategoriyäläre belän “TEXNOFEST” bu yılnı 58 töp çara häm 137 subkategoriya täqdim itte.
Dönyanıñ här poçmağınnan törle qatnaşuçılar biredä üz belemen häm täcribäsen urtaqlaşa, texnologiya üseşendä möhim adımnar yasıy.
Texnologiya, xislär häm oçışlar
“TEXNOFEST” pänceşämbe könennän başlap yäkşämbe könenä qadär qunaqlarnı texnologiya yarışları belän genä tügel, ä küp törle tamaşa çaraları belän dä qarşı ala.
Festivaldä küz yawın alırlıq hawa tamaşaları, törle kürgäzmälär häm ostaxanälär, täêsirle simulyatsiya zonaları, planetariy, säwdä yärminkäläre häm studentlar öçen maxsus oçış çaraları bar.
Bu festival ğädättä cöp sanlı yıllarda Törkiyäneñ törle şähärlärendä, ä tak sanlı yıllarda İstanbulda uza.
Festival ike çit il däwlätenä dä barıp citte: Azärbaycan häm Tönyaq Kipr Törek Cömhüriyäte.
Uzğan ayda İstanbulda “TEXNOFEST”nıñ diñgezgä bağışlanğan "Kük Watanı" çarası ütkärelde.
Uzğan yıl Törkiyäneñ könyaq şähäre Adanada ütkärelgän “TEXNOFEST” yaqınça 1.1 million qunaq cälep itte, ä başlanğannan birle ul cämgese 11 millionnan artıq qatnaşuçığa ireşte.
