Berlin şähärendä kanŝler Fridrix Merŝka qarşı meñnärçä keşe protest cıyını ütkärde. Bu çara anıñ migrantlarğa qarata tiskäre häm rasaçıl süzläre öçen artqan cämäğätçelek tänqitläre arqasında oyıştırıldı.

7500dän artıq protestçı, küpçelek yäş xatın-qızlar, Merŝnıñ Xristian demokrat berlek partiyase ğomum üzägendä cıyıldı, anıñ uzğan atnada äytkän şähär küreneşe turındağı süzlärenä yarsu belderde. Ul migrantlar häm qaçaqlarnıñ Germaniyä şähärläre küreneşenä tiskäre yoğıntı yasıy dip äytkän ide.

Tänqitlärgä qaramastan Merŝ düşämbe könne üz süzlären qabatladı häm keşelärgä närsä citkeregä teläwe turında qızlarına sorarğa quştı. Bu belderü rasaçıl dip bäyälände çönki ul migrant ir-atlarnıñ censi tınıçsızlıq yäki başqa cinayätlär başqaru ixtimalın arttıruğa işarät itä. Ämma monıñ öçen statistika dälilläre yuq.

Germaniyaneñ iñ tanılğan klimat aktivistı häm bu cıyınnı oyıştırğan Luiza Noybauer cıyılğan xalıqqa Merŝ süzläreneñ qabul itelmäslek, ayırıp qarawçı häm tulısınça rasaçıl dip belderde.

Ul moñarçı Instagramda bolay dip yazğan ide: "Bu ildä 40 million tiräse qız-bala bar. Bez iminlegebezneñ qayğırtıluına zur ähämiyät biräbez. Läkin ayırıp qarawçı, rasaçıl häm räncetüçe süzlärneñ säbäbe itep qullanılırğa telämibez."

Protestçılar "Rasaçılıq – şähär küreneşe probleması", "Tösle şähär räseme öçen qızlar", häm "Bezneñ öçen küreneş probleması yuq, rasaçılıq probleması bar" dip yazılğan yazular kütärde.

Cıyılğan xalıq şulay uq: "Bez, bez, bez – şähär küreneşe" häm "Bez, bez, bez – qızlar" - dip qıçqırdı.

Merŝnıñ koaliŝiya partnyerı Soŝial demokrat partiya da şulay uq kanŝlernı tänqıytäde.

Partiyaneñ xalıq ışanıçlısı Ralf Ştegner “Tagesşpigel” gazetına birgän intervyuda bolay dide: "Kanŝlernıñ şähär küreneşe turındağı süzläre yaxşı tügel. Ul çit il keşelären telämäwen kürsätä ämma bernindi çişeleş tä täqdim itmi häm bu cämğiyättä tınıçsızlıq tudıra.”

Ştegner şulay uq: "Merŝnıñ süzläre koaliŝiyadäge xälne yaxşırtmıy, partiya äğzaläreneñ kübese kanŝler süzlärenä şaqqata," - dip äytte.