Ukraina ilbaşı Volodimir Zelenskiy, Rusiyä armiyäse Pavlograd şähärenä yasağan hawa höcümendä kim digändä 3 keşeneñ häläq buluın häm distälägän keşeneñ yaralanuın belderde.
Zelenskiy, sośial çeltärdäge säxifäsendä yasağan yazmaça belderüendä, Dnepropetrovsk ölkäsendäge Pavlograd şähärenä höcüm oyıştırıluın äytte.
Rusiyä armiyäseneñ şähärdäge ber predpriyatiye mäydanına idarä itelä torğan bombalar cibärüen citkergän Zelenskiy, berençe mäğlümätlärgä qarağanda, 3 keşeneñ ğomere özelüen häm distälägän keşeneñ yaralanuın assızıqladı.
Rusiyäneñ Odessa häm Sumı töbäklärendäge möhim asqorma obyektlarına, şulay uq Xersondağı xärbi bulmağan infrastrukturağa da höcüm itüen belderep, Zelenskiy: "Rusiyä här kön xalqıbızğa qarşı terror höcümnären däwam itterä," — dip äytte.
