Räsmi zatlar pänceşämbe könne AQŞnıñ kön’yağındağı universitetta qorallı höcüm näticäsendä 2 keşeneñ hälaq buluın,  1 keşeneñ yaralanuın häm kampusnıñ yabıluın belderde.

Kön’yaq Karolina universitetı Hugine Suites sudentlar tulay torağında atış buluı turındağı xäbärdän soñ pänceşämbe könne 21 säğat’ 15 minutta kampusnıñ yabıluın açıqladı.

Universitet belderüendä: “Universitet räsmi zatları älegä hälaq bulğannarnıñ kemlegen yäki yaralanğan keşeneñ xälen açıqlamadı. Kampus äle dä yabıq”, - diyelde.

Uqu yortı räsmi zatları qorallı höcüm belän bäyle räweştä kemneñ dä bulsa qulğa alınıp alınmawı turında mäğ’lümat birmädelär.

Universitet comğa könge däreslärneñ ğamäldän çığarıluın citkerde.  

Bu höcüm AQŞta ber-ber artlı küzätelgän mäktäplärdäge atışlarnıñ soñğısı buldı.

Älege  waqıyğa qorallarga ireşüne çikläw tırışlıqlarınıñ säyäsi tupikta buluı turındağı bäxäslärne yañadan quzğattı.