Fälästin sälamätlek saqlaw ministrlığı xäbär itüençä, fälästinle yäş’üsmer yäkşämbe könne Yordannıñ könbatış üzänlegeneñ tön’yağında İzrail armiyäseneñ ut açuınnan alğan cäräxätlärdän ğomeren yuğaltqan.
Ministrlıq mäğ’lümatına qarağanda, 17 yäş’lek Möxämmäd Hanani Nablusnıñ könçığışındağı Beit Furik qasabasında ülgän.
Räsmi xäbär agentlığı “Wafa” citkergänçä, şimbä kiçendä qasabada İzrail xärbi basqını waqıtında Hananinıñ başına atalar.
Basqında 16 yäş’lek tagın ber yäş’üsmer dä yaralana.
İzrail 2023 yılnıñ 8 oktyaberendä Gazzädä xärbi operaśiya başlanğannan soñ basıp alınğan Yordannıñ könbatış üzänlegendä, şul isäptän Könçığış Qodüstä, basqınnarın köçäytte.
Şuşı çorda Yordannıñ könbatış üzänlegendä armiya häm qanunsız kilep urnaşuçılarnıñ höcümnärendä kim digändä 1.117 fälästinle hälaq buldı, yaqınça 11.500 keşe yaralandı.
