Törkiyä tışqı êşlär ministrı Xaqan Fidan:

"Garant il bularaq Törkiyä härwaqıt Tön’yaq Kipr Törek Cömhüriyäte belän nıqlı bäyläneşlären saqlayaçaq häm Kipr töreklärenä yaqlaw kürsätüne däwam itäçäk”,- dip äytte.

Fidan, sośial’ media akkauntındağı belderüendä, Kipr törek xalqınıñ fidaqar’lege häm awır köräşlär näticäsendä tözelgän Tön’yaq Kipr Törek Cömhüriyäteneñ 42 yıllığı belän qotladı.

Xaqan Fidan Kipr mäs’äläsenä utrawdağı çınbarlıqqa nigezlänep ğadel, daimi häm totrıqlı çişeleş tabunıñ möhimlegen assızıqlap, “Çişeleş utrawda ike däwlätneñ bergä yäşäwendä” dide.  

Ul çişeleş açqıçınıñ utrawnıñ tigez xoquqlı xucası bulğan Kipr törek xalqınıñ suveren tigezlek häm tigez xalıqara status kebek xoquqların tanuda buluın assızıqladı.  

Tışqı êşlär ministrı Xaqan Fidan: “Bez härwaqıt Tön’yaq Kipr Törek Cömhüriyäte belän nıqlı bäyläneşlärebezne saqlayaçaqbız, Kipr töreklären yaqlawnı däwam itäçäkbez” dip, Törkiyäneñ qatğıy totışın tağın ber tapqır rasladı.