Yämändäge qanunlı xökümätne yaqlawçı Ğaräp koalitsiyäse Soğud Ğaräbstanı başqalası Riyadtan tönyaqta açıqlanğan öç keşesez hawa apparatı bärep töşerelüen citkerde.
Bu xaqta Ğaräp koalitsiyäse wäkile general-mayor Turki äl-Maliki üzeneñ “X” sotsial media akkauntı aşa belderde.
Maliki dronnarnıñ çığanağı turında mäğlümät birmäde.
Yämändä soñğı atnalarda xökümät köçläre belän bäreleşläre köçäygän “Xusi” fetnäçeläre, höcümğä duçar buluların äytep, Soğud Ğaräbstanın ballistik raketalar häm dronnar belän nişanğa alalar.
Yämändä 2014 yılnıñ sentyabrendä “Xusilär” başqala Sana häm qayber töbäklärne basıp alğannan birle watandaşlar suğışı bara.
Soğud Ğaräbstanı citäkçelegendäge ğaräp koalitsiyäse 2015 yılnıñ martınnan birle xalıqara tanılğan Yämän xökümäten yaqlıy.
