BMO AQŞnıñ Venesuêlağa dramatik tıqşınuına qağılışlı tirän borçılu belderde häm bu xalıqara xoquqnıñ töp prinśibın açıq räweştä bozdı dip kisätte.
BMOnıñ Keşe xoquqları ofisı süzçese Ravina Şamdasani sişämbe könne jurnalistlarğa bolay dip belderde: “Ber genä däwlät tä başqa däwlätneñ cir bötenlegenä yäki säyäsi bäysezlegenä yanarğa yäisä köç qullanırğa tiyeş tügel”.
Bu belderü Venesuêla ilbaşı Nikolas Maduro häm xäläl cefete Siliya Flores şimbä irtäsendä AQŞ tarafınnan urlanğannan soñ yasaldı.
Şamdasani basqınnıñ nigeznamäse itep alğa sörelgän Venesuêla xökümäteneñ ozaq waqıtlı häm keşe xoquqların tupas räweştä bozu däğ’waların kire qaqtı.
BMO süzçese:”Keşe xoquqların bozğan öçen cawaplılıqnı xalıqara xoquqnı bozuçı ber’yaqlı xärbi qatışu aşa başqarıp bulmıy”,- dide.
BMO Keşe xoquqları ofisı süzçese Ravina Şamdasani:“AQŞ tıqşınuı tudırğan totrıqsızlıq häm ildäge tağın da kübräk militarizaśiyäläw wäzğıyät’ne tağın da naçaratyaçaq dip borçılabız”,- dide.
