Fälästin sälamätlek saqlaw çığanaqlarına qarağanda, düşämbe könne İzrail höcümnärendä 3 fälästinle hälaq bulğan, 30 nan artıq keşe, şul isäptän 4 bala yaralanğan.
Höcümnär Ğazzä şähärenä, Xan Yunıs häm üzäktä urnaşqan Äz-Zäwayidä qasabasına bulğan, yäşäw urınnarınnan küçerelgän ğailälärneñ çatırlarına, tınıç xalıqqa häm ber maşinağa höcüm yasalğan.
Ğazzä şähäreneñ tönyağında, Äş-Şifa xastaxanäsendäge sälamätlek saqlaw çığanağı beldergänçä, İzrailneñ pilotsız oçu apparatı höcüme Äs-Saftawi mäxälläsendäge maşinağa kilep tigän. Höcüm näticäsendä 1 fälästinle hälaq bulğan häm berniçä keşe yaralanğan.
Tağın ber fälästinle — 50 yäşlek Möxämmäd Xädir Äccur — İzrail dronı Äş-Şifa xastaxanäse yanındağı öyeneñ tübäsendä urnaşqan çadırğa êläkkäç, yaralanğan. Ul soñınnan hälaq bulğan.
Ğazzä şähäreneñ üzägendäge xalıq tığız urnaşqan töbäktä çatırğa yasalgän İzrail höcüme näticäsendä 10 fälästinle yaralanğan.
Ğazzäneñ könyağındağı Xan Yunısta, Äl-Mäwasi töbägendä yäşäw urınnarınnan küçerelgän fälästinlelär sıyınğan çatırğa dron höcüme näticäsendä 1 keşe hälaq bulğan, 7 keşe yaralanğan.
Ğazzä Sälamätlek saqlaw ministrlığı mäğlümatlarına qarağanda, İzrailneñ utnı tuqtatu kileşüen daimi räweştä bozuı näticäsendä, düşämbe köngä 1 372 fälästinle hälaq bulğan, 4 659 keşe yaralanğan.
Ministrlıq beldergänçä, 2023 yılnıñ oktyabrennän birle İzrailneñ genośid suğışı Ğazzädä 73 meñnän artıq fälästinleneñ ğomeren özgän, 174 meñnän artıq keşe yaralanğan.
