Rusiyä Ukrainanıñ strategik ähämiyätkä iyä bulğan Kupyansk şähäre kontrolen qulğa töşerüen açıqladı.
Rusiyäneñ “Zapad” xärbi törkeme başlığı Leonid Şarov sişämbe könne “TASS” xäbär agentlığına belderü yasap, Ukrainanıñ şähärgä qabat kerü tırışlıqlarına qaramastan: “Kupyansk şähäre Rusiyäneñ 6nçı armiyase kontrole astında,” – dide.
Ukraina ilbaşı Volodimir Zelenskiy Kiyev citäkçelegeneñ berniçä rayonnı häm yaqındağı ike toraq punktnı kire qaluın äytüennän soñ Kupyansk yanındağı front liniyasenä bardı. Älege säfär töbäktäge xakimiyät köräşeneñ ni qadär köçle buluın tağın ber tapqır kürsätte.
Leonid Şarov keçkenä Ukraina berlekläreneñ şähärne kire alu öçen här kön êşkä kereşüen läkin Rusiyä berlekläreneñ bar töbäktä aktiv bulırğa däwam itüen belderde.
Rusiyä Xarkau töbägendäge Novoplatonivka awılın da qulğa töşerüen citkerde. Mäskäw citäkçelege şulay uq Qara diñgez flotına bäyle ber su astı köymäseneñ Novorossiysk bazasında batırıluına qarağan Ukraina xisapların kire qaqtı. Flotnıñ matbuğat xezmäte başlığı, kapitan Aleksey Rulev bu xisaplarnı nigezsez dip atadı.
Rusiyä: räsmi täqdim almadıq
Bu täraqqıyätlär küzätelgändä Rusiyä Awrupalı liderlarnıñ Ukrainada tınıçlıq urnaştıru maqsatı belän küp millätle tınıçlıq köçeneñ qorıluı mäs’äläsendä ber kön êlek açıqlağan täqdimnären älegä kürmäwlären belderde.
Berlinda Ukraina liderı belän küreşkän Awrupalı liderlar belderü yasap, Ukrainada ixtimallı tınıçlıq kileşüe öçen AQŞ xuplawındağı häm Awrupa citäkçelegendä küp millätle köçneñ qorıluın täqdim itte.
Düşämbe kiçke sägätlärdä açıqlanğan beldergegä kürä bu köç Rusiyä 2022 yılda başlatqan suğışnı tuqtataçaq kileşüne bozmawnı garantiya astına alunı maqsat itüçe AQŞ häm Awrupalı köçlär Ukrainağa biräçäk nıqlı qurqınıçsızlıq garantiyaläreneñ ber öleşe bulaçaq.
Ukraina suğışı reparaśiyaläre komissiyase qorıla
Şul uq waqıtta Awrupalı räsmi zatlar milliardlağan yevrolık reparaśiya barışın citäkläw maqsatı belän Ukraina Xalıqara reparaśiya komissiyasen qoru öçen sişämbe könne Gaagada cıyıldı.
Niderlandnıñ tışqı êşlär ministrı David van Weel komissiya üzägeneñ ilendä bulaçağın rasladı.
