Törkiyä diplomatik çığanaqları beldergänçä, Törkiyä xalıqara sularda İzrail köçläre tarafınnan höcümgä duçar bulğan global’  Sumud flotındağı watandaşlarınıñ wäzğıyäten yaqınnan küzätep bara.

Tel’-Avivtağı Törkiyä tulı wäqalätle ilçelege qulğa alınğan watandaşlarğa konsullıq ximayäse täêmin itü öçen adımnar yasadı.

Räsmi zatlar köymädä buluçılarnıñ ğailälärenä wäzğıyät’ xaqında mäğ’lümat birde.  

Räsmi flotnı küzätüçe çığanaqqa kürä, İzrail köçläre 21 köymädän aralarında 25 Törkiyä watandaşı da bulğan kim digändä 317 aktivistnı qulğa alğan.

Gumanitar yärdäm häm mediśina kiräk - yaraqları  töyälgän flot avgust axırında yulğa çıqqan ide.

Bu flot - 45 tän artıq ildän 532 aktivist belän 50dän artıq köymä Ğazzägä yulğa çıqqan berençe säfär.

İzrail aktivistlarnı ildän deportaśiyäläyäçäk

Oyıştıruçılar beldergänçä, İzrail flotı qamaw astındağı Ğazzägä baruçı xalıqara yärdäm flotına höcüm yasap, köymädäge yözlärçä aktivistnı qulğa aldı.

Aktivistlar arasında İspaniya, İtaliya, Braziliya, Törkiyä, Greśiya, Amerika, Germaniya, Şveśiya, Angliya, Franśiya watandaşları häm başqa millät keşeläre bar.  

İzrail tışqı êşlär ministrlığı “X” platformasında yasağan belderüendä qulğa alınğan aktivistlarnıñ İzrailneñ Aşdod portına kiterelüen häm annan Awrupağa deportaśiyälänäçägen belderde.