Rusiyä höcüme Ukrainanıñ Odessa töbägendä urnaşqan ênergiyä obyektına zıyan kiterde, dip belderä ênergetika şirkäte “DTEK”.

"Zıyan zur. Cihazlarnı qabat êşlärlek xälgä kiterer öçen baruçı tözätülär ozak waqıt alaçaq," diyelä belderüdä.

Töbäk gubernatorı Oleg Kiper isä monnan alda töbäktäge qayber toraq punktlarnıñ öleşçä êlektr täêminatinnan mäxrüm qaluın citkergän ide.

"Tönlä doşman Odessa töbägeneñ ênergetika infrastrukturasına tağın ber qurqaqlarça höcüm yasadı," -dip yazdı ul “Telegram”da.

Kiper ähämiyätle asqorma obyektlarınıñ generatorlar belän êşläwen häm êlektr täêminatin torğızu öçen êş alıp barıluın belderde.

Mäskäw oktyabrdan birle Ukrainanıñ êlektr tarmağına häm başqa ênergetika infrastrukturasına höcümnären köçäytä. Näticädä millionnarça keşe qışqı suıq hawa şartlarında êlektrsız häm cılıtusız qala.

Odessa şähäre häm anıñ tirä-yağı küp tapqırlar utqa totıldı.