Fälästin grajdanlar saqlanu agentlığı Ğazzädä çärşämbe könne İzrail hawa höcümnäre häm artilleriyä utı näticäsendä, öç balanı da kertep tuğız fälästinleneñ üterelüen häm, kim digändä, 31 keşeneñ yaralanuın citkerde.
Agentlıq ülem oçraqları hämyaralanularğa Ğazzä buyınça oyıştırılğan berniçä hawa höcüme häm bombalaw kiterüen belderde. İzrail köçläre, üz ğaskärlärenä ut açıluın häm ber ofitsernıñ yaralanuın säbäp itep kürsätep, şunnan soñ "tögäl höcümnär" yasawların alğa sörde häm bu waqıyğanı Ğazzädäge "utnı tuqtatunı bozu" dip atadı.
Belderüdä xärbi berämleklärneñ İzrail köçläre urnaşqan "sarı sızıq" dip ataluçı töbäk yanında höcümgä duçar buluı äytelde. AQŞ aradaşçılığında iğlan itelgän utnı tuqtatu kileşüeneñ ikençe êtabına küçelsä dä, İzrailneñ Gazzädäge xoquq bozuları däwam itä.
10nçı oktyabrdä ğamälgä kergän utnı tuqtatunıñ başınnan birle İzrail höcümnärendä 523 fälästinle hälaq buldı, İzrail armiyäse isä şul uq çorda dürt gäskäriyeneñ ülüen belderä. Şimbä könne iñ qanlı könnärneñ berse buldı: grajdanlar saqlanuı agentlığı, kim digändä, 37 keşeneñ üterelüen xäbär itte. Armiyä isä bu höcümnärneñ “Hamas”nıñ kileşüne bozunwa "cawap" buluın açıqladı.
Agentlıq kön’yaqtagı Xan-Yunus töbägendä çatırlar häm öylärneñ utqa totuluınnan soñ öç mäyetneñ Nasser xastaxanäsenä kiterelüen citkerde. Oxşaş höcümnär töbäkneñ iñ zur şähär üzäge bulğan Ğazzädä dä küzätelde, monda tağın altı mäyetneñ Äl-Şifa xastaxanäsenä kiterelüe äytelde.
