Rusiyä tışqı êşlär ministrı Sergey Lavrov, Tönyaq Koreya tışqı êşlär ministrı Çxve Son Xi belän ike yaqlı mönäsäbätlärne häm iminlek problemaların söyläşte.
Rusiyä tışqı êşlär ministrlığınnan yasalğan açıqlawğa kürä, Lavrov, ilenä säfär yasağan Çxve belän başqala Mäskäwdä oçraştı.
Oçraşuda ike yaqlı mönäsäbätlär, töbäk häm xalıqara iminlek belän bäyle problemalar qaraldı.
Lavrov oçraşu aldınnan yasağan çığında Rusiä däwlät başlığı Vladimir Putin belän Tönyaq Koreya liderı Kim Çen In arasındagı dialognıñ däwam itüen belderep: «İke lider başqala Pxenyanda 2024 yılda qabul itkän qararlar daimi räweştä tormışqa aşırıla. İke ilneñ tışqı êşlär ministrlıkları bu barışqa öleş kertä», — dide.
İke yaqlı mönäsäbätlärne tizlätü häm töbäk, şulay uq xalıqara iminlek belän bäyle problemalarnıñ çişeleşenä öleş kertüneñ möhimlegenä basım yasağan Lavrov, Tönyaq Koreyale ğaskärilärneñ Rusiä cire bulğan Kursk töbägen Ukraina ğaskärilärennän çistartu barışında qatnaşuın iskä töşerde.
Tönyaq Koreya tışqı êşlär ministrı Çxve kiçä Rusiä däwlät başlığı Vladimir Putin tarafınnan qabul itelgän ide. Oçraşuda, ike il arasındagı mönäsäbätlär qaraldı.
