Soğud Ğaräbstanı başmöftiye Şäyex Abdülaziz bint Abdullah äl-Şäyex wafat

Soğud Ğaräbstanı Patşalıq sarayı beldergänçä patşalıq häm İslam dönyası İslam häm möselmannar öçen zur xezmät quyğan qıymmätle ğalimne yuğalttı.

Soğud Ğaräbstanı başmöftiye häm 25 yıldan artıq ilneñ iñ yuğarı däräcäle dini liderı bularaq wazıyfa başqarğan 80 yäşlärendäge Şäyex Abdülaziz bint Abdullah äl-Şäyex sişämbe könne yaqtı dönyadan kitte.

Mäkkä häm Mädinä şähärläre urın alğan Soğud Ğaräbstanında xac ğıybadäte başqarıla. Şunıñ öçen başmöfti belderülären zur iğtibar belän küzätep baralar.

İldä soñğı waqıtta xatın-qızlarğa maşina yörtü röxsäteneñ birelüe, kinotetarlarnıñ açıluı kebek lideral adımnar yasağan Soğud dinastiyasenä yaqın bulğan Şäyex Abdülaziz “DEAŞ” häm “Äl Kaidä” kebek terror oyışmaların ğayeplägän ide.

Patşalıq belän 89 yäşlek patşa Sälman isemennän citäkläwçe täxet warisı, prinś Möxämmäd bint Sälman sişämbe tönne Riyadta oyıştırılğan cänaza namazında qatnaştı.

Patşalıq divanı belderüendä tübändäge yullar urın aldı: “Patşalıq häm İslam dönyası İslam häm möselmannar öçen möhim xezmät quyğan qıymmätle ğalimne yuğalttı.”

Yäşli suqır qalğan Şäyex Abdülaziz 1999 yılda Soğud Ğaräbstanı patşası Fahd çorında başmöfti bulıp bilgelängän ide.