Paqıstan armiyäse soñğı ike kön êçendä Paqıstannıñ tön’yaq-könbatışında ütkärelgän ayırım operaśiyälärdä 19 terrorçınıñ üterelüen açıqladı.

Pänceşämbe könne yasalğan xärbi belderügä qarağanda, Xayber- Paxtunxva provinśiyäseneñ Moxmand qäbilä töbägendä köçle bäreleştän soñ kim digändä 14 terrorçı täêsirsez xälgä kiterelgän.

Kürşe Äfğanstan belän çige bulğan Tön’yaq Väziristan qabilä töbägendäge ike ayırım operaśiyädä dä tağın 5 terrorçı üterelgän.

Operaśiyälärdä üterelgän terrorçılarnıñ qoral häm xärbi kiräk-yaraqları da qulğa töşerelgän.

Qabul ğäyepläwlärne kire qağa

Armiya belderüendä Paqıstan iminlek köçläreneñ ildäge terror bälasen  tulısınça beterü qatğıylığı  belän töbäktä êzläw operaśiyäläre alıp baruı assızıqlana.

Paqıstan soñğı yıllarda iminlek köçlärenä qarşı höcümnär artuın belderä, älege höcümnär öçen “Tehrik-e-Taliban Paqıstan” (TTP) kebek qanunsız törkemnärgä bäyle, çığışı belän Äfganstannan bulğan suğışçılarnı ğäyepli.

Qabul isä bu ğäyepläwlärne kire qağa.