İzrail matbuğatı düşämbe könne beldergänçä İzrail fälästinle törkem “Xamas”ka Ğazzädä armiya kontrolendäge urınnarğa äsir qaldıqların êzlär öçen kerergä röxsät birde.

İzrailneñ “Channel 12” kanalı iminlek xezmätkärlärenä tayanırğan xäbärendä “Xamas”nıñ soñğı 24 sägät êçendä Qızıl Xaç häm Misır törkemnäre belän bergä İzrail armiyase kontrolendä bulğan “sarı sızıq” aryağında äsir qaldıqların êzläwen citkerde.

“Sarı sızıq” – İzrail armiyase Ğazzädä yawlap alğan urınnar belän çigengän cirlär arasındağı sızıq.

Tınıçlıq planı

İzraill yäkşämbe könne Qızıl Xaç häm Misır törkemnärenä Ğazzädäge “sarı sızıq” aryağına çığıp, totıq mäyetlären êzläw öçen röxsät birüen rasladı.

10 oktäbrdä ğamälgä kergän utnı tuqtatu kileşüeneñ berençe êtabı qısalarında “Xamas” 20 isän İzrail totqının häm tağın 16 mäyetne tapşırdı.

Tınıçlıq planı Ğazzäne yañadan torğızunı häm “Xamas” qatnaşında bulmağan yaña idarä mexanizmın buldırunı da maqsat itä.

2023 yılnıñ oktäbrennän birle İzrail höcümnärendä 68 meñ yarımnan artıq keşe ülgän, 170 meñ 300dän artıq keşe yaralanğan.