Törkiyä saqlanu ministrlığı sişämbe könne Gruziyädä (Görcestanda) Törkiyäneñ xärbi yök oçqıçınıñ kilep töşüe näticäsendä 20 ğaskärineñ şähit buluın belderde.

Ministrlıq çärşämbe könne yasağan belderüendä: " Êzläw-qotqaru häm hälakätlärne tikşerü törkemeneñ Azärbaycan-Gruziyä çigendä kilep töşkän xärbi yök oçqıçıbıznıñ cimereklären tikşerü êşläre Gruziyä xakimiyäte belän koordinaśiyäle räweştä 06.30da başlandı”, - dip äytte.

Törkiyäneñ êçendä 20 ğaskäri bulğan “C-130” xärbi yök oçqıçı Azärbaycannan Törkiyägä kitkän çaqta kilep töşte.

Ministrlıq häläq bulğan 20 xärbineñ isemnären dä açıqladı.

İlbaşı Räcäp Tayyip Ärdoğan, sişämbe könne Azärbaycan Däwlät başlığı İlham Äliyev häm Gruziyä (Görcestan) Başministrı Irakli Kobahidze belän ayırım ayırım telefonnan söyläşep, alıp barıluçı êzläw-qotqaru êşçänlegenä tuqtalıp uzdı.

Başqala Änkarada ber çara waqıtında çığış yasawçı İlbaşı Ärdoğan şähitlär öçen qayğı urtaqlaşuın belderde.

Qazanıñ säbäbe älegä belenmi.

Qazadan soñ dönyanıñ törle illärennän häm liderlarınnan Törkiyägä teläktäşlek yullamaları citkerelde.