Qırğızstan ilbaşı Sadır Japarov ilenä säfär belän kilgän Azärbaycan liderı İlham Äliyev belän Esse-Kül buyındağı Çulpan-Ata şähärendä oçraştı.

Japarov tarafınnan Çulpan-Atada urnaşqan "Rux Ordo" Çıñğız Äytmätov isemendäge Mädäniyät üzägendä räsmi qarşı alu tantanası uzdı.

Räsmi tantanadan soñ ike lider üzara küreşep söyläşte. Annarı Qırğızstan-Azärbaycan däwlätlärara şurasınıñ 3 nçe cıyılışı başlandı.

Japarov, cıyılıştağı çığışında iqtisad, investiśiya, transport, ênergetika, mäğarif häm başqa ölkälärdä ike yaqlı xezmättäşlekne kiñäytü öçen möhim potenśial buluın belderde.

Qırğızstan belän Azärbaycan arasında İttifaq mönäsäbätläre kileşüe imzalanaçağın äytkän Japarov, bu İttifaq kileşüeneñ ike yaqlı mönäsäbätlärneñ üseşendä bik möhim rol uynawına basım yasadı.

İlham Äliyev ta Azärbaycannıñ qardäş qırğız xalqınıñ uñışına çın küñeldän şatlanuın belderep, Qırğızstannıñ sośio-iqtisadi üseştä möhim alğarış täêmin itüen, iqtisadi potenśialınıñ köçäygänen häm ilneñ xalıqara abruyınıñ artuın äytte.

Qırğızstan belän Azärbaycan arasındağı mönäsäbätlär ittifaq däräcäsenä kütärelde

Qırğızstan-Azärbaycan däwlätlärara şurasınıñ 3 nçe cıyılışınnan soñ Esse-Kül buyındağı "Rux Ordo" Çıñğız Äytmätov isemendäge Mädäniyät üzägendä Qırğızstan belän Azärbaycan liderları häm xökümät äğzaları arasında imza tantanası uzdı.

Japarov belän Äliyev tarafınnan Qırğızstan belän Äzerbaycan arasındağı mönäsäbätlärneñ ittifaq däräcäsenä kütärelüen küzdä totuçı kileşü häm Däwlätlärara şuranıñ qararı imzalandı.

Tantanada ike ilneñ Çulpon-Ata belän Şuşa, Karakol belän Gabala häm Oş belän Gäncä “qardäş şähärlär" buldı.

Şulay uq "Qırğız Altın" häm "Azer Gold" şirkätläre arasında transport, logistika, ênergetika ölkäsendä yul kartası, yök taşu häm qorab tözü, neft' häm neft' êşlänmäläre täêmin itü ölkälärendä dä xezmättäşlek memorandumnarı belän almaşu buldı.