Matbuğattağı xäbärlärgä kürä “SpaceX” düşämbe könne Texastağı Boka Çika rayonında urnaşqan “Starbase” bazasınnan “Starship” raketasın 11nçe tapqır oçırttı.

Xäzergä qadär tözelgän iñ köçle oçırtu apparatı bulğan “Starship” megaraketası ber sägätlek oçışın tögälläde.

NASAnıñ waqıtlı citäkçese Sin Daffi X platformasında bolay dip yazdı: “Amerikalılarnıñ Aynıñ könyağına ayaq basuı öçen tağın zur adım yasaldı. Bügenge “Starship” testı belän “SpaceX” kürsätkän alğarış “Artemis” wazıylarıbız öçen bik möhim.”

Daffi şulay uq: “Artemis II”gä xäzerleklär däwam itkändä här oçış “Artemis III”kä äzerlänüne nığıta häm Qıtaynı Ayğa oçu yarışında uzıp kitärgä bulışa,” – dide.

Düşämbe könne başqarılğan raketa oçırtu uñışlı uzdı. Berençe uñışlı oçırtu avgustta çınğa aşqan ide.

“SpaceX”nıñ NASA 2027 yıl öçen planlaştırğan Ayğa ayaq basu wazıyfasına ğaläm qorabı yasaw yarışında köndäşe – Qıtay.

Cir atmosferasına kergändä êkstremal yuğarı temperatura şartlarında “Starship” qorabın bötenlektä saqlap qalu häm anı êlemtäne yuğaltmıyça qaytaru ısulların tabu bik möhim. “SpaceX” apparatnı imin räweştä utırtunı häm qabat cibärüne maqsat itä.

Xäzerge waqıtta “Starship” atmosferağa kergändä 1426 gradustan artıq temperaturanı kütarä ala.  

“Starship” megaraketası 121 metr biyeklektäge zur konstrukŝiyadän ğıybarät.

Räsmi zatlar äytüençä, “Starship”nıñ zur ülçämnäre häm ğadättän tış küäte ğalämgä yök cibärü bäyäsen sizelerlek kimetäçäk.